«Нүкенованың ағасы емес»: Әнші Say Mo-ның жасырып жүрген сүйіктісі жария болды (ВИДЕО)

Фото: say_mo__ инстаграм парақшасынан

Әнші Say Mo-ның алғашқы үлкен жеке концерті қарсаңында оның жеке өмірі тағы да желіні шулатты, деп жазады Qazaq Today ақпарат порталы. 

Бұл туралы qirtosek телеграм арнасы хабарлады.

Бұған дейін Say Mo өз стористерінде “А” деп белгіленген сүйіктісінің денесі, қолы, желкесі көрінген суреттерді жиі жариялағанымен, жүзін ешқашан көрсетпеген еді. Көпшілік сол кезде бұл адам Айтбек Амангелді деп болжаған. Алайда қазір белгілі болғандай, “А” әрпінің артында мүлде басқа адам — Абылай Ардақ жасырынған.

Абылай — Астанада тұратын 31 жастағы ірі кәсіпкер. Ол сантехника мен керамогранит өнімдерімен айналысатын трейдинг компаниясының иесі, сонымен қатар тапсырыспен корпус жиһаздарын өндіретін цехтың да қожайыны. Яғни, Say Mo бұл жолы шоу-бизнес өкілін емес, табысты бизнесменді таңдаған.

Айта кетейік, Абылайдың бұрынғы некесінен бес жасар ұлы бар. Ал Мөлдір болса, танымал актер Серік Шәріпке тұрмысқа шығып көп ұзамай ажырасқан еді.