29 қазан: Қазақстанда күн райы күрт бұзылады – қар, көктайғақ және 25 м/с дейін дауылды жел
Фото: Pixabay
«Қазгидромет» РМК-сы 29 қазандағы күн райы болжамын жариялады, деп хабарлайды Qazaq.today ақпарат порталы.
Кәсіпорынның болжамына қарағанда, фронталды бөліктердің әсеріне байланысты республиканың басым бөлігінде жауын-шашын (жаңбыр, қар) жауады. Шығыс және оңтүстіктің таулы аудандарында нөсер жауын (жаңбыр, қар) күтіледі.
Тек еліміздің орталығында жоғары қысымға байланысты күн жауын-шашынсыз болады.
Солтүстіктегі дауыл: 25 м/с жел, көктайғақ және бұрқасын
Елдің солтүстік өңірлерінде ауа райы ерекше қолайсыз болады:
- Солтүстік Қазақстан облысында: Желдің жылдамдығы секундына 15-20 метрге жетеді, күндіз екпіні 25 м/с болады. Күндіз облыстың солтүстігі мен батысында көктайғақ болып, жаяу бұрқасын соғады.
- Ақмола облысы: Шығысы мен солтүстігінде жел 15-20 м/с күшейеді. Күндіз облыстың солтүстігінде көктайғақ күтіледі.
- Павлодар облысы: Солтүстік-батысында жел 15-20 м/с жылдамдықпен соғады.
- Қостанай облысы: Солтүстігі мен солтүстік-шығысында жел 15-20 м/с күшейеді. Таңертең және күндіз тұман түсуі ықтимал.
Тұман және жел: Оңтүстік, Батыс және Шығыс
Басқа өңірлерде де ескерту жарияланды:
- Жамбыл облысы: Таулы аудандарда желдің жылдамдығы 15-20 м/с жетеді. Түнде және таңертең тұман түседі.
- Түркістан облысы: Таулы аудандарында тұман күтіледі.
- Батыс Қазақстан облысы: Түнде және таңертең батысы мен солтүстігінде тұман болады.
- Атырау облысы: Оңтүстік-батысында тұман түседі.
- Қарағанды облысы: Орталығы мен шығысында тұман күтіледі.
- Шығыс Қазақстан облысы: Түнде солтүстік аумағында тұман болады.
