Күзде бензин қымбаттаса, ол қолдан жасалған әрекет болады — Ерболат Саурықов (ВИДЕО)
Фото: Pixabay
Күзде бензин бағасы өседі деген болжамға Мәжіліс депутаты Ерболат Саурықов қарсы шықты, деп хабарлайды Qazaq.today ақпарат порталы.
Оның айтуынша, мұндай баға өсіміне ешқандай объективті себеп жоқ.
«Қазақстанда мұнай қоры жеткілікті, зауыттар жұмыс істеп тұр. Сондықтан бензин бағасының көтерілуін ешбір экономикалық негізбен түсіндіру мүмкін емес. Егер күзде баға қымбаттаса, ол қолдан жасалған әрекет болады», – деді депутат.
Бұл мәлімдеме қоғамда қызу пікірталас туғызды. Әр күз сайын жанармай бағасының көтерілуіне үйреніп қалған жүргізушілер билік өкілдерінің уәжіне сенімсіздікпен қарайды.
«Жылда осылай айтады, бірақ нәтиже керісінше болады» деген пікірлер әлеуметтік желілерде қарша борады. Сарапшылар да мәселенің түп-төркіні тек өндірісте емес, нарықты бақылауда отырғандарда екенін айтып отыр. «Бағаны ұстап тұру үшін ашықтық қажет. Монополиялық ойын тоқтамай, халыққа әділетті баға болмайды», – дейді олар.
Енді жұрттың бар үміті — депутаттың айтқаны іске асып, күзде бензин бағасы шын мәнінде тұрақты қалуы. Әйтпесе, халық тағы да қалтасынан қағылады.
Посмотреть эту публикацию в Instagram
