«Үш жылда – 3 бала»: Дина Төреәлі жүктілігін жариялаймын деп қызу талқыға түсті

Танымал блогер Дина Төреәлі халықтан сүйінші сұрады, деп хабарлайды Qazaq Today ақпарат порталы.

Желі жұлдызы үшінші перзентіне жүкті екенін көрсетті.

“Алланың ең әдемі сыйы – жүрегімнің астында тағы бір жүрек соғып тұрғаны. Бақыт үш есе артты. Шүкір», — деп жазды Дина Төреәлі.

Одан кейін әпкесі, блогер Фариза Төреәлі де сіңлісіне қолдау білдірді.

“Раббым дені сау, саналы, салихалы ұрпақ нәсіп етсін!”, – деді Фариза.

Алайда желі қолданушылардың пікірі екіге бөлінді. Бірі жүкті ананы қолдаса, енді бірі денсаулыққа зиян келетінін ескертті.

“Үш жылда – 3 бала, не деген батылдық», «20 жасында жоғары білім алмай, үшінші бала туу керек пе?! Анаға денсаулық тілеймін. Бірақ жас қыздар өздерін тек бала туатын инкубатор ретінде көрмей, Алланың бойына берген талантын, білімі мен қасиеттерін дамытып, тұлға болып қалыптасып, 25 — 28 жастарында ғана отбасын құрып бала туса жақсы болар еді», «Динаны “туғыш әйел” ретінде көретін едім», «Күтімі бар, үйлерінде күтушісі бар, денсаулықтарына жақсы қарайтын, қаржылай қиындығы жоқ осындай отбасында қайта бала көп болса жақсы ғой», «Отбасында жалғыз ұл ғой жолдасы дұрыс тұқымын көбейтсін, аман-есен босанып алсын», “2022 жылы тұңғышымды дүниеге әкелдім. Екіншісін әлі ойланып жүрмін”, – деп жазды олар.