«Бар болуы да мүмкін, жоқ болуы да мүмкін»: Шыңғыс Мұқан Шыңғыс Мұқан Құдайдың барына сенбейтінін айтты (ВИДЕО)

Фото: Видеодан алынған кадр 

Қоғам қайраткері Шыңғыс Мұқан Құдайдың барына сенбейтінін айтты. Бұл туралы ол журналист Жанар Байсемізге берген сұхбатында мәлім етті, деп хабарлайды Qazaq Today ақпарат порталы.

«Құдайдың барына сенбеймін. Құдай бар болуы да мүмкін, жоқ болуы да мүмкін. Ол жөнінде ойланып, бас қатырып көрмеппін. Бірақ «бар» деп бір дінге сеніп өмір сүрген өміріңді біраз жеңілдетеді. Құдай болатын болса, біз пендесі болатын болсақ «бүйт, сүйт» деп физикалық тұрғыдан шарт қоймау керек шығар. Шарт қоятын болса, ол Құдай емес. Адамның өмірден мән іздеу ізденісі оны дінге алып келді. Дінді керек не керек емес деп айтпаймын. Қоғамға дін керек. Себебі, дінмен өмір сүру оңай», — деді қоғам қайраткері.

Сұхбат барысында ол «атеист емес» екенін айтты.

«Атеист те емеспін. Өйткені, атеист деген сөздің өзі ойлап табылған. Қарапайым адам, биологиялық тіршілік иесімін. Өзімнің белгілі бір арман-мақсаттарымның ізінде жүрген қарапайым биологиялық тіршілік иесімін», — деді Шыңғыс Мұқан.