Хайп үшін бәріне дайын: Жасөспірім тренд үшін жол белгісіне асылып тұрған

Фото: Видеодан алынған кадр

Өзбекстанның Термез қаласында жасөспірімнің хайп қуып жасаған әрекеті елді шулатты, деп хабарлайды Qazaq Today ақпарат порталы.

Әлеуметтік желіде тараған видеода жігіт өзін жаяу жүргінші жолы белгісіне «айқыштап» іліп қойып, басын шалқайтып, «керіліп» тұрған.

Бұл көрініс желі қолданушылары мен қоғамның жағымсыз реакциясын тудырып, құқық қорғау органдарының назарына ілікті.

Полиция роликтегі жігіт пен оны түсірген оператордың кім екенін жылдам анықтап, олармен түсіндірме әңгіме өткізген. Жастарға мұндай әрекеттің моральдық және құқықтық тұрғыдан орынсыз екені түсіндірілген.

Нәтижесінде 19 жастағы видео авторы өкінетінін мәлімдеп, 15 тәулікке әкімшілік қамауға алынды.