42°С ыстық болады: алдағы үш күнге арналған ауа райы болжамы белгілі болды

Фото: Pixabay

«Қазгидромет» РМК синоптиктері республика бойынша 22, 23 және 24 шілдеге арналған ауа райы болжамын жариялады, деп хабарлайды Qazaq Today ақпарат порталы.

Синоптиктердің болжамы бойынша, республиканың оңтүстігінде термометр 42°C дейін көтеріледі.

Республиканың батысында, солтүстігінде және шығысында атмосфералық фронтальды бөліктердің өтуіне байланысты жаңбыр жауып, найзағай ойнайды.

22 және 24 шілдеде еліміздің батысында нөсер жаңбыр жауады. Күндіз бұршақ жаууы мүмкін,

Қалған аумақта ауа райы жауын-шашынсыз болады. Республика бойынша жел күшейеді, оңтүстікте және оңтүстік-батыста шаңды дауыл соғады.

Сондай-ақ республиканың солтүстігі мен шығысында түнде және таңертең тұман түседі.

22-23 шілдеде күндіз Ақтөбе облысының оңтүстігінде 40°C қатты ыстық болады. Батыста, солтүстікте, Алматы облысының орталығында ауа температурасы 42°С-қа жетеді.

Сонымен қатар күндіз республиканың батысында 35-39°С аптап ыстық болады.

Оңтүстік-батыста 38-42°С, 24 шілдеде Қостанай облысының оңтүстігінде 35°С, орталық аймақтарда 35-38°С, республиканың оңтүстігінде 40-42°С, оңтүстік-шығыста 35-39°С ыстық болады.