40 жастағы жігіт мас болған: Атырауда 9 жастағы баланың үстіне мотоцикл құлап кетті
Атырауда 9 жастағы баланың үстіне электрлі мотоцикл құлап кетті, деп хабарлайды Qazaq.today.
Нақтырақ оқиға Исатай мен Махамбет алаңында болған. Облыстық Полиция департаментінің мәліметінше, 13 шілде күні түнгі сағат 01:17 шамасында 1985 жылғы ер адам тізгіндеген электромотоцикл оқушы баланың үстіне құлаған. Зардап шеккен бала балалар ауруханасына жеткізілген. Дәрігерлер оның жағдайын тұрақты деп бағалап отыр.
Жүргізуші медициналық сараптамадан өткен. Тексеру нәтижесінде оның мас күйде болғаны анықталып, ҚР Әкімшілік құқық бұзушылық туралы кодексінің 440-бабы бойынша әкімшілік хаттама толтырылды.
