Жарыстың 4-ракеткасы болып тіркелген қазақстандық теннисші хорватиялық Луция Чирич Багаричпен бірге алғашқы айналымда америкалық Фиона Кроули — ресейлік Екатерина Яшинаның мысын басты.
Қазақстандық-хорватиялық жұп 6:3, 6:1 есебімен айқын басымдылық танытты.
Небәрі 55 минутқа созылған бәсекеде Данилина — Багарич 1 эйспен бірге 11 брейк-пойнттың бесеуін пайдаға асырды. Кроули — Яшина 1 брейкпен (4 брейк-пойнт) шектелді.
Жібек Құламбаева — Луция Чирич Багарич жартылай финалға шығу үшін швейцариялық Найма Карамоко — германиялық Нома Ноа-Акугуэмен таласады.
Қазақстанның жұптық сындағы бірінші, әлемнің 6-ракеткасы Анна Данилина америкалық Дезире Кравчикпен бірге Бейжің (Қытай) WTA 1000 турнирінің екінші айналымында жаңазеландиялық Эрин Рутлиф — индонезиялық Алдила Сутджиадиге 4:6, 4:6 есебімен есе жіберді.
Сөйтіп ширек финалдан тыс қалды.
