Зеленский Қытайдың бес компаниясына қарсы санкциялар енгізді
Фото: president.gov.ua
Украина президенті Владимир Зеленский Қытайдың бес компаниясына қарсы санкциялар енгізу туралы Жарлыққа қол қойды, деп хабарлайды Qazaq.today ақпарат порталы.
Тиісті құжат оның ресми сайтында жарияланды.
Тізімде Қытай Халық Республикасында тіркелген бес заңды тұлғаның атауы көрсетілген. Шектеулер мерзімі – он жыл. Санкциялар аясында активтерді бұғаттау, сауда операцияларын жүргізуге және активтерді Украинадан шығаруға тыйым салу, лицензияларды – соның ішінде жер қойнауын пайдалануға рұқсаттарды қайтарып алу және тағы басқа шаралар қарастырылған.
