«13 жыл бойы балалы бола алмаған»: Балжан Бидаш жанкүйерінің арманын орындады

Әнші Балжан Бидаш Ақтауда кішкентай қыздың тұсауын кесті.

Балжанға бүлдіршіннің анасы өтініш айтқан.

«Ақтауға қош келдіңіз! Сізге қызымның тұсауын кестіріп алайыншы. 13 жыл балалы бола алмай, Алла Тағаланың мейірім түсіп 13 жылдан кейін тапқан Бағым қызым», — дейді баланың анасы. 

Әнші болса, жанкүйерінің өтінішін жерге тастамаған.

«13 жыл бойы жүрекпен күткен періште. Көзіндегі жасы да, күлкісі де — өмірдің шынайылығы. Әр басқан қадамы берекелі, бағы ашық болсын, балапан! Ақтаудағы мейірім мен махаббат үшін рақмет!», — деп жазды Балжан Бидаш.