Алматыдағы Наурызбай ауданының 35 мың тұрғыны жазда ауыз сумен қамтамасыз етіледі
Алматының Наурызбай ауданында тұрғындарды сапалы және үздіксіз сумен қамтамасыз ету бойынша үлкен жұмыс атқарылды. Бұл туралы қала әкімі Ерболат Досаев қала тұрғындарымен кездесуде айтты.
«Ақжар шағын ауданының 35 мың тұрғынын ауыз сумен қамтамасыз ету үшін Ақсай негізгі су көзінің құрылысы аяқталғанға дейін осы жылдың наурыз айында Алатау даңғылы мен каскадты сорғы станциясы бойынша магистральдық су құбырының құрылысын бастадық. Бұл жобаны маусым айының соңына дейін аяқтауды жоспарлап отырмыз», — деді .
Оның айтуынша, Ақжар, Қарағайлы, Тастыбұлақ және Таусамалы сияқты 4 шағын аудандарда сумен жабдықтау және кәріз желілерін жобалау жұмыстары жалғасуда. Нәтижесінде, 2025 жылдың соңына дейін 335 км сумен жабдықтау және кәріз желілері салынады.
Qazaq.today
