«Өмірге бөпе келеді, айтамын»: Айгүл Иманбаева сәбилі болуға қатысты жақсы жаңалығын бөлісті

Танымал әнші Айгүл Иманбаева сәбилі болуға қатысты жаңалығын бөлісті, деп хабарлайды Qazaq Today ақпарат порталы. 

Өнер иесі желіде жеке өміріне қатысты оқырманының сұрақтарына жауап берді.

Желі қолданушыларының бірі Айгүл Иманбаевадан күйеуімен жас айырмашылығы қанша екенін сұрады.

«Менің күйеуім менен әлдеқайда жас. Тіпті жап-жас. Менің туған күнім наурызда, оның туған күні қыркүйекте, яғни алты айға жас», – деп әзілдеді әнші.

Сондай-ақ тағы бір желі қолданушысы әншіге жүктілік туралы сұрақ қойды. Тіпті түсік тастауы мүмкін екенін де сұрады.

«Жақында өмірге бір бөпе келеді, айтамын. Уақыт аз қалды, өте-өте жуық арада», – деп жауап берді.

Желі қолданушыларының бірі әншінің ұлы туралы да сұрады. Айгүл Иманбаева ұлы үйленіп, келіні мен немересі бар екенін айтты.