Өскеменнің бұрынғы әкімі Жақсылық Омар жаңа қызметке тағайындалды
Ол Шығыс Қазақстан облысы әкімінің бірінші орынбасары болды, деп хабарлайды Qazaq Today ақпарат порталы.
Бұл туралы Шығыс Қазақстан облысының әкімі Нұрымбет Сақтағанов желіде жазды.
«Бүгін Жақсылық Омарды өзімнің бірінші орынбасарым етіп тағайындадым. Жақсылық Мұқашұлының мемлекеттік қызметте үлкен тәжірибесі бар. Ол 6 жыл бойы облыс орталығының әкімі болды. Оған өңірдің барлық мәселесі мен тұрғынының мұң-мұқтажы жақсы таныс. Оның жаңа әрі жауапты қызметке білімін, күш-жігерін барынша жұмсайтынына сенімдімін», – деді ол.
