Үндістандағы теміржол станциясында қайғылы жағдай орын алды
Пойызға отыруға асыққан жолаушылар бір-бірін таптап өлтірген, деп хабарлайды Qazaq Today ақпарат порталы.
The Guardian таратқан мәліметке сүйенсек, адамдар бір-бірін таптап, салдарынан жиырмаға жуық адам, оның ішінде, тоғыз әйел мен үш бала көз жұмды. Сондай-ақ 11 адам түрлі дене жарақатын алған.
Станцияда адамдардың көп жиналуына қасиетті орындарға жаппай қажылық жасау – Кумбха Мела рәсімі себеп болғаны айтылды. Әр 12 жыл сайын аталған мейрамда солтүстікте орналасқан Праяградж қаласына ондаған миллион діндарлар легі ағылады.
Оқыс оқиға адамдар іс-шараға қатысу үшін өз пойыздарына үлгеру үшін жүгірген сәтте басталған.
Айта кетерлігі, қаңтардың аяғында да осы мерекені тойлау кезінде 30 адам қайтыс болған.
