Сақ болыңыздар: Алдағы демалыс күндері ел аумағында ауа райы күрт құбылады

Атлант мұхитынан ығысқан циклон Қазақстан аумағындағы ауа райына ықпал етеді. Сондықтан қар, бұрқасын күтіледі, еліміздің батысы мен оңтүстігінде, ал 20-21 қаңтарда солтүстік өңірлерде жаңбыр мен қар аралас жауын-шашын болжанады. Қазақстан бойынша жел күшейіп, тұман түсіп, көктайғақ болады, деп хабарлайды Qazaq Today ақпарат порталы. 

18 қаңтарда Түркістан облысында түнде қатты жауын-шашын күтіледі.

20 қаңтарда Ұлытау, 21 қаңтарда Ақтөбе, Қостанай және Солтүстік Қазақстан облыстарында, 21-22 қаңтарда Ақмола облысында, 22 қаңтарда Павлодар, Қарағанды, Түркістан, Жамбыл және Абай облыстарында қатты қар жауады. 22-23 қаңтарда Шығыс Қазақстан, Алматы және Жетісу облыстарында да қар жауады.

22 қаңтардан бастап күн суытып, түнде температура айтарлықтай төмендейді:

• батыста температура 10-20 градус аяз;
  солтүстік-батыс пен солтүстікте 20-30 градус аяз;
  орталық пен шығыста 25-35 градус аяз;
  оңтүстікте 12-25 градус аяз болады;

«Ел тұрғындарын қатты аяз бен суық ауа райына дайын болуға шақырамыз», — деді синоптиктер.