Мұхтар Мағауин АҚШ-та жерленеді
Жазушы Мұхтар Мағауиннің жаназасы 11 қаңтарда АҚШ-тың Мэриленд штатында жергілікті уақытпен 10:00-де түріктің Diyanet Center of America мешітінде өтеді және сол штаттың зиратына жерленеді, деп хабарлайды Qazaq Today ақпарат порталы.
Жазушының шетелде жерленетінін Америкадағы қазақстандықтар мәлімдеді.
“Мұхтар Мағауиннің жаназасы қаңтардың 11-і сағат 10:00-де Ленхемдегі түріктің Diyanet Center of America мешітінде оқылады, қонақасы да сол орында 13:00-де беріледі. Жерлеу рәсімі 11:00-де Parklawn Memorial зиратында өтеді”, — делінген жазушының ұлы Едіге Мағауиннің отандастарына жіберген хабарламасында.
