Димаш Құдайберген аз қамтылған отбасы балаларына ойыншық таратты

Мексикадағы ресми Димаш клубы 30 жылдығын тойлап жатқан жаһандық ойыншықтар фестивалі бастамасына қосылды,  деп хабарлайды Qazaq.today порталы dimashnews.com  сайтына сілтеме жасап .

Димаштың Мексикадағы фан-клубы үшінші жыл қатарынан 30 жылдығын тойлап жатқан жаһандық “Ойыншықтар мерекесі” фестивалімен бірігіп жұмыс атқаруда. Бұл ауқымды қайырымдылық жобасы әлемдегі ең үлкен ойыншықтарды жинау шарасына айналды. Оның басты мақсаты – Мексика мен Латын Америкадағы аз қамтылған отбасы балаларына қуаныш сыйлау болатын.

Биыл да дәл бұрынғыдай жоба аясында Димаш Құдайбергеннің атынан көптеген ойыншықтар сыйға тартылды. 6 қаңтарда, Үш патша атты мереке қарсаңында сыйлықтар өздерінің кішкентай адресаттарын тауып, риясыз көмектің маңыздылығын тағы да еске салды.