Азия чемпионатының жүлдегерлері ел біріншілігіне қатыспайды

Бүгін, 18 желтоқсан күні Қарағанды қаласындағы Серік Сәпиев атындағы боксты дамыту орталығында бокстан Қазақстан чемпионаты басталады, деп хабарлайды Qazaq Today ақпарат порталы.

Чемпионатқа ұлттық құраманың көптеген көшбасшысы қатысады. Алайда ерлер құрамасының бас бапкері Қайрат Сәтжанов Азия чемпионатының жеңімпаздары мен жүлдегерлері ҚР чемпионатына дайындалуға уақыттың болмауына байланысты республикалық турнирге қатыспайтынын айтты.

Айта кетейік, күндізгі сессия сағат 14:00-де, ал кешкі сессия 18:30-да басталады.