«Қазақтың шын көңіліне қарап, көзімнен жас шығып кетті» –Украинаның Қазақстандағы елшісі (ВИДЕО)

Украинаның Қазақстандағы елшісі Петр Врублевский ulysmedia.kz ақпарат құралына сұхбат берді деп хабарлады Qazaq.Today.

Ол интервьюде соғыс туралы біраз мәлімет беріп, Қазақстаннан Украинаға жіберіліп жатқан гуманитарлық көмекке алғыс білдірді.

– Сенбі күні қазақтар Украинаға арнап жылу жинай бастағанын естідім. Таңертең ғана 2 млн теңге турасында әңгіме болып жатқан. 15-20 минуттан кейін қарасам, әлгі сома өсіп, артынша оған сағат сайын 1 млн теңгеден қосылып, кешқұрым 10 млн теңгеден асып кетті. Ал бүгінге дейін 50 млн теңгеге дейін ақша жиналыпты. Адамдар өзіне қажетті дәрі-дәрмекті Украинаға апарыңдар деп тапсырып жатыр екен. Сіздерге керегірек депті. Осыны көрген кезде көзімнен жас шығып кетті, – деді ол.