238 млн теңгені жымқырған: Ақтөбеде мектеп бухгалтері сотталды

Ақтөбе облысында №48 жалпы білім беретін мектептің бухгалтері 238 млн теңге бюджет қаражатын заңсыз имденген. Есепші 2019-2024 жылдар аралығында мектеп қажеттіліктеріне бөлінген қаражатты қызмет бабын пайдалана отырып, ұрлағаны анықталды, деп хабарлайды Qazaq.today. 

Иемденіп алу схемалары жалақыны белгіленген нормадан тыс аудару, қос демалыс беру арқылы жүзеге асырылған.

«Есепші Г.-ның іс-әрекеті ҚК-нің 189-бабының 4-бөлігінің 2-тармағымен (аса ірі мөлшерде cенiп тапсырылған бөтен мүлiктi иемденiп алу немесе талан-таражға салу) сараланды. Арнайы прокурорлармен қылмыстық іс мәні бойынша қарау үшін Ақтөбе қаласының №2 сотына жолданды. Сотпен есепші Г. кінәлі деп танылып, 7 жылға материалдық жауапкершілік лауазымдарды атқару құқығынан айырыла отырып, 6 жылға бас бостандығынан айырды», — делінген облыстық прокуратураның таратқан ақпаратында.