70 адам мерт болды: Испанияда үш күндік ұлттық аза тұту күні жарияланды
Испания үкіметі Валенсиядағы апатты су тасқынынан кейін ұлттық аза тұту күнін жариялады. Аапат 70 адамның өмірін қиды, деп хабарлайды Qazaq.today.
Испания билігі биыл су тасқынынан қаза тапқандар мен хабар-ошарсыз кеткендерді еске алу үшін 31 қазан, 1 және 2 қараша күндерін ұлттық аза тұту күні ретінде белгіледі.
«Үш күндік ресми аза тұту кезінде мемлекеттік ту барлық мемлекеттік ғимараттарда, соның ішінде шетелдегі өкілдіктер мен миссияларда төмендетіледі», – делінген хабарламада.
Кастилия-Ла-Манчтағы су тасқыны да бірнеше адамның өмірін қиды. Жауын-шашынның салдарынан ондаған мың тұрғын электр қуатынсыз қалды. 29 қазанда басталған жауын-шашын бүгін де тоқтамауы мүмкін. Апаттан зардап шеккен аумақтар апат аймақтары деп жарияланады.
