Алматы облысында жол апатынан 18 жастағы жігіт қаза тапты
Алматы облысында жол апаты болып, 18 жастағы жігіт қаза тапты, деп хабарлайды Qazaq.today.
Апат Іле ауданындағы Көкқайнар ауылында орын алды. ҚР ТЖМ Республикалық жедел-құтқару жасағының (РЖҚЖ) мәліметінше, 18 жастағы жүргізуші көлікті басқара алмай, ағашқа соғылған.
Жас жігіт ауыр жарақаттар алып, жедел жәрдем қызметі келгенге дейін оқиға орнында көз жұмды.
Қазіргі уақытта полиция оқиға бойынша тергеу жүргізуде.
