Қаза тапқандар бар: Үндістанда үлкен билборд адамдардың үстіне құлады
Фото: ВВС
Үндістанның ең көп тұрғын қоныстанған қаласы – Мумбайда үлкен билборд адамдардың үстіне құлады, деп хабарлайды Qazaq Today ақпарат порталы ВВС-ге сілтеме жасап.
Гхаткопар ауданында шаңды дауыл мен жаңбыр кезінде жарнама тақтайшасы құлаған. Әлеуметтік желіде төтенше жағдайдың видеосы пайда болды.
Қаза тапқандар мен жараланғандардың нақты саны белгісіз. Hindustan Times үш адам, ал Үндістан телеарнасы төрт адам көз жұмды деп хабарлады. Times of India сегіз адам мерт болғанын мәлімдеді. Құлаған қалқан 100-ге жуық адамның үстіне құлаған болуы мүмкін.
Билбордтың биіктігі – 30 метрдей. Үндістан президенті Драупади Мурму үндістандықтарға көңіл айтты.
