БАӘ жұмыс істеген қазақстандық дипломаттың үстінен қылмыстық іс ашылды, деп хабарлайды Qazaq.today агенттігі.

Қазақстан Республикасының БАӘ-дегі елшісінің кеңесшісі болған Сәкен Мамаштың әйелі Карина Мамаш күйеуінен аяусыз таяқ жегенін айтып, араша сұраған еді. Көп ұзамай СІМ өздеріне қарасты қызметкерге қатысты реакция танытып, Сәкен Мамашты дереу Қазақстанға қайтарып алатынын хабарлаған.

«Аталған факті бойынша қылмыстық іс қозғалды. Сараптама тағайындалды, тергеу жүріп жатыр. Тергеу мүддесі үшін өзге ақпарат жария етілмейді»,-деді Астана қаласы полиция департаментінің баспасөз қызметі.

Күйеуінен 10 жыл бойы зорлық көрген Карина Мамаш қазір балаларымен бірге  Астанадағы «Қорғау» дағдарыс орталығында өмір сүріп жатыр.