Алматы облысында «мас күйінде» иен далада қалған ауыл әкімін тұрындар тауып алды, деп хабарлайды Azattyq Ruhy-на сілтеме жасаған Qazaq.today ақпараттық агенттігі.

Тілі күрмеліп, әзер сөйлеп тұрған адам Райымбек ауданына қарасты Жамбыл ауылдық округінің әкімі Роман Қойлыбаев болып шықты. Ол көлік жүргізуге шамасы келмей, далада қалып қойған.

Тас қараңғыда қалған адамды тауып алған тұрғындарға әкім «зарядкасының өліп қалғанын» айтып, көмек сұраған. Әкімнің ақ жейдесіне құсық жабысып қалған сыңайлы. Қойлыбаевтың иел далада қанша уақыт отырғаны белгісіз.

Облыс әкімдігі аталған жағдайға қатысы қызметтік тексерістің жүргізілетінін айтты.

Ал ауыл әкімі Қойлыбаевтың өзі келеңсіз қылығын түсіндіріп бере алмады.

Роман Бекзадаұлы Жамбыл ауылдық округін 2018 жылдан бері басқарып келеді.