Бибарыс Әшірбай жасөспірімдер Олимпиадасында күміс медаль алды
Қазақстандық боксшы Бибарыс Әшірбай Дакардағы жасөспірімдер Олимпиадасында 70 келіге дейінгі салмақта күміс медаль жеңіп алды. Финалда ол британдық Майкл Моэннен 4:1 есебімен жеңілді.
Сурет: Қазақстан бокс федерациясы
Сенегал астанасы Дакарда өтіп жатқан жасөспірімдер Олимпиадасында қазақстандық боксшы Бибарыс Әшірбай күміс медаль жеңіп алды. Ол ақтық сында Ұлыбритания өкіліне есе жіберді.
Бұл туралы Qazaqtoday.info сайты хабарлайды.
70 келіге дейінгі салмақ дәрежесінде Қазақстан намысын қорғаған Бибарыс Әшірбай финалдық кездесуде британдық Майкл Моэнмен шаршы алаңға шықты.
Жекпе-жектің алғашқы раундынан бастап Ұлыбритания спортшысы басымдық танытты. Қазақстандық боксшы да қарсыласымен тартысты бәсеке өткізгенімен, төрешілер жеңісті британдық былғары қолғап шеберіне берді. Нәтижесінде Майкл Моэн 4:1 есебімен жеңіске жетіп, жасөспірімдер Олимпиадасының чемпионы атанды.
Ал Бибарыс Әшірбай жарысты екінші орынмен аяқтап, күміс жүлдеге ие болды.
