Астанада Есіл өзенінен тағы да мәйіт табылды
Фото: видеодан скрин
Әлеуметтік желілерде Есіл өзенінің бойынан ер адамның мәйіті табылғаны туралы ақпарат тарады. Осы оқиғаға қатысты Астана қаласының Полиция департаменті түсініктеме берді, деп хабарлайды Qazaqtoday.info ақпарат порталы.
Ведомствоның мәліметінше, аталған дерек бойынша қылмыстық іс қозғалған. Полицейлер марқұмның жеке басына қатысты мәліметтерді анықтады. Ол 56 жастағы елорда тұрғыны болып шықты.
«Марқұмның денесінен зорлық-зомбылық белгілері анықталған жоқ. Қазіргі уақытта қажетті тергеу амалдары жүргізіліп, оқиғаның мән-жайы анықталып жатыр», – деп хабарлады Астана қаласының Полиция департаменті.
