СҚО-да 17 жастағы жасөспірім қыз көз жұмды
Фото: Ашық дереккөз
Солтүстік Қазақстан облысында 17 жастағы қыз қайтыс болды. Қайғылы оқиға Тайынша ауданына қарасты Петровка ауылында болған, деп хабарлайды Qazaqtoday.info.
Оқиға 1 қараша күні кешкі уақытта жеке тұрғын үйлердің бірінде тіркелген. Сағат 17:30 шамасында мекенжайға жедел жәрдем шақырылған. Алайда медицина қызметкерлері келген кезде жасөспірімнің көз жұмғаны анықталды.
Алдын ала мәлімет бойынша, қыз өзіне қол жұмсаған. Осы фактіге байланысты полиция сотқа дейінгі тергеп-тексеруді бастады.
Солтүстік Қазақстан облыстық полиция департаментінің хабарлауынша, қазір оқиғаның барлық мән-жайы, соның ішінде қайғылы жағдайға әкелген себептер анықталып жатыр. Тергеу қорытындысы бойынша процессуалдық шешім қабылданады.
