Қазақстан фехтовальщиктері Азия чемпионатында алтын алды
Қазақстандық саблисткалар мен шпажистер 23 жасқа дейінгі Азия чемпионатында командалық алтын медаль жеңіп алды. Манамада өткен турнирде ерлер Гонконгты финалда ұтты.
Фото: пресс-служба ФФРК
Бүгін Бахрейн астанасы Манамада өтіп жатқан 23 жасқа дейінгі фехтовальешілер арасындағы Азия чемпионатының командалық турнирінде қазақстандық спортшылар құрмет тұғырының ең биік сатысына көтерілді. Алтын медальді саблисткалар мен шпажистер жеңіп алды.
Бұл туралы Qazaqtoday.info сайты хабарлайды.
Ерлер әлемдік рейтингте бірінші орында тұрған қазақстандық шпаганың беделін ақтады. Кирилл Проходов, Георгий Тинников және Михаил Кузьмин Қырғызстан (45:35) мен Өзбекстан (45:39) құрамаларын кезекпен жеңді. Ал финалда Гонконгты 45:44 есебімен ұтты. Әлем, Азия және Азиада чемпионы Проходов Бахрейндегі турнирдегі жеке алтынына командалық алтынды қосты.
Әйелдер арасындағы саблисткалар турниріне барлығы үш команда қатысты. Гонконг құрамасы үздік рейтингі бойынша бірден финалға шықты. Қазақстандықтар Индияны 45:30 есебімен жеңіп, финалға жолдама алды. Алтын үшін матчта Қайша Жаныбек, Диляра Исабекова және Адема Серикбай қарсыластарының қарсылығын бұзды.
Соңғы үш сайыс алдында қыздарымыз небәрі бір ұпай алдында еді – 30:29. Матчтің соңы Қазақстанның пайдасына шешілді – 45:36. Жаныбек жеке турнирдегі күмісіне командалық алтынды қосты. Исабекова да үйіне екі медальмен – қола және алтынмен оралады.
Бахрейн астанасы Манамадағы жастар арасындағы фехтовальешілердің континенттік біріншілігі ертең рапиристер мен шпажисткалардың командалық турнирлерімен аяқталады.
