Бюджеттің ақшасы көкке ұшты ма? Семейдегі сапасыз балалар алаңшасы елдің ашуын тудырды 

Фото: видеодан скрин
Семей қаласының Чемпоселк кентіндегі Галето көшесінде күні кеше ғана қолданысқа берілген жаңа балалар алаңшасының қазіргі жағдайы көріп жылайтын халге жеткен, деп хабарлайды Qazaqtoday.info ақпарат порталы. 

Жергілікті тұрғындардың айтуынша, жаңадан салынған нысанның сапасы сын көтермей, арадан аз уақыт өтсе де бүлініп, сыр бере бастады.

Бөлінген бюджет қаражатының тиімсіз жұмсалып жатқаны байқалады, ал жергілікті ТҮКШ (ЖКХ) бөлімі мұндай сапасыз жұмысты қалай қабылдап алғаны түсініксіз.

Мемлекет ақшасының осылайша желге ұшуы мен балалар қауіпсіздігіне салғырт қарау қоғамда үлкен наразылық тудырып отыр.

Тұрғындар бұл сорақылыққа көз жұма қарамай, қадағалаушы құзырлы органдардан атқарылған жұмыстардың сапасына шұғыл тексеріс тағайындауды талап етеді.

Видео: ⁠@amarkhanov_yerzhan