Дархан Мұсаев бұрынғы әйелі Дариға Бадықованың тұрмысқа шығуына қатысты пікір білдірді

Сурет: Әлеуметтік желіден

Актер Дархан Мұсаев бұрынғы жұбайы, актриса Дариға Бадықованың Олжас Абайға тұрмысқа шығуы жөнінде өз көзқарасын айтты. Ол бұл туралы НТК арнасының «Не дейді» бағдарламасында сөйледі.

Бұл туралы Qazaqtoday.info сайты хабарлайды.

Мұсаевтың айтуынша, бұрынғы әйелінің үйленгенін әлеуметтік желіден көрген. Актер бұл жаңалыққа ерекше сезіммен қарамағанын жеткізді.

«Адамзат үш нәрсені ұмытпайды дейді ғой. Мен өзіме тиесліні айтайын. “Подлость” жасаған адамды ұмытпайды екенсің, әсіресе ер азамат. Мен оны қатты жақсы көргенімнен емес, тек маған иттік жасағанына қатты налыдым. Ал былай Аллаға аманаттап тастағанмын, дұғамды тіледім. Қайта қуанып жатырмын. Мен 16 жасымда анамнан айырылған адаммын. Әйел үшін жанымды ауыртып, ауырып қалатын адам емеспін. Сол үшін Аллаға аманаттадым. Жолы ашық болсын, аман болсын. Әлеуметтік желіден көрдім. Соқырдың өзі көретіндей тарап жатыр ғой. Ешқандай сезімде болған жоқпын», – деді актер.

Бұған дейін Дариға Бадықова мен Олжас Абайдың шаңырақ көтергені туралы ақпарат тараған болатын.