Семейде газ баллоны жарылып, терезе әйнегі зақымданды
Семейде тоғыз қабатты үйдің балконында газ баллоны жарылып, терезе әйнегі зақымданды. Өрт толығымен сөндірілді, зардап шеккендер жоқ.
Семей қаласының Қарағайлы шағын ауданындағы тоғыз қабатты тұрғын үйдің балконында газ баллоны жарылды. Оқиға өрт кезіндегі жоғары температураның әсерінен болған.
Бұл туралы Qazaqtoday.info сайты хабарлайды.
«112» пультіне Қарағайлы шағын ауданындағы тоғыз қабатты тұрғын үйдің балконында өрт шыққаны туралы хабарлама келіп түсті. Өрт сөндіру бөлімшелері келгенде бірінші қабаттың балконында қағаз қалдықтары мен жиһаздың жанғаны анықталды. Жоғары температураның әсерінен балконда тұрған бос газ баллонындағы газ тұтанды. Салдарынан терезе әйнегі зақымданды», – деді төтенше жағдайлар министрлігінің баспасөз қызметі.
ТЖМ деректері бойынша, өрт толығымен сөндірілді, зардап шеккендер жоқ.
