Астана 2028 жылы Әлемдік мұнай кеңесінің конгресін өткізеді

2028 жылы Қазақстан астанасында Әлемдік мұнай кеңесінің конгресі өтеді. Бұл — әлемдегі ең ауқымды энергетикалық форумдардың бірі.

Бұл туралы Qazaqtoday.info сайты хабарлайды.

Іс-шараны дайындау мәселелерін энергетика министрі Ерлан Ақкенженов пен Сауд Арабиясының елшісі Файсал Әл-Қаxтани талқылады.

Кездесуде форумды ұйымдастыру, ОПЕК+ аясындағы ынтымақтастық, жаңартылатын энергетиканы дамыту және «жасыл» технологияларды енгізу мәселелеріне баса назар аударылды. Қазақстан конгресті ірі жобаларды ілгерілету, іскерлік байланыстарды кеңейту және мұнай-газ саласындағы халықаралық ынтымақтастықты нығайту үшін пайдаланбақ.

Қазақстан Әлемдік мұнай кеңесінің жұмысына 2008 жылдан бері қатысып келеді.