Алматы облысында жол апатынан екі адам қаза тапты
Алматы облысында Алматы – Өскемен тасжолында болған жол апатынан екі жаяу жүргінші қаза тапты. Chevrolet Cobalt жүргізушісі екі ер адамды қағып кеткен. Тергеу жүріп жатыр.
Сурет: t.me/zhest_kz_official
Алматы облысында жол-көлік оқиғасы салдарынан екі адам қаза тапты. Бұл туралы өңірлік полиция департаменті хабарлады.
Бұл туралы Qazaqtoday.info сайты хабарлайды.
Оқиға 6 қыркүйекте Алматы – Өскемен тасжолының 18-шақырымында болған. Алдын ала мәліметтерге сәйкес, Chevrolet Cobalt көлігін тізгіндеген 37 жастағы жүргізуші жолдың белгіленбеген жерінен өтіп бара жатқан екі егде жастағы ер адамды қағып кеткен.
Соққының салдарынан екі жаяу жүргінші де оқиға орнында қайтыс болды. Аталған дерек бойынша қылмыстық іс қозғалып, қазіргі уақытта тергеу амалдары жүргізілуде. Істің мән-жайы анықталып жатыр, әрі тергеу барысы Алматы облысы полиция департаменті басшылығының бақылауына алынған.
