Таразда оқушылар көлікке тапталуы мүмкін: халық жаяу жүргіншілерге арналған жолақтың жоқтығына шағымданды

Фото: ашық дереккөз

Тараздағы Әл-Фараби көшесінде №12 мектеп аялдамасы маңында жаяу жүргіншілерге арналған жолақтың жоқтығына тұрғындар шағымданды.

Олардың айтуынша, бұл аумақта көлік қозғалысы көп, ал жүргізушілер жолдан өтіп бара жатқан адамдарға үнемі жол бере бермейді.

Мәселені мектеп оқушыларының күн сайын осы жерден өтетіні одан әрі ушықтырып отыр.
Тұрғындар жол белгісінің де қисайып, ағаштың тасасында қалып, жүргізушілерге анық көрінбейтінін айтады.
Ата-аналар балаларын мектепке жалғыз жіберуге алаңдайтынын жеткізіп, жауапты мекемелерден қауіпсіздікті қамтамасыз етуді сұрады. Жергілікті тұрғындар қайғылы жағдай болмай тұрып, жаяу жүргіншілер жолағын сызып, жол белгісін ретке келтіру қажет деп отыр.

Видео: @taraz24tv