Президент VI Дүниежүзілік көшпенділер ойындарындағы жеңісті құттықтады
Қасым-Жомарт Тоқаев VI Дүниежүзілік көшпенділер ойындарында табысты өнер көрсеткен Қазақстан құрамасын құттықтап, спортшыларға алғыс білдірді.
Фото: Ақорда
Мемлекет басшысы Қасым-Жомарт Тоқаев VI Дүниежүзілік көшпенділер ойындарында жоғары нәтиже көрсеткен отандық спортшыларға құттықтауын жеткізді.
Бұл туралы Qazaqtoday.info сайты хабарлайды.
Президент атап өткендей, бұл жетістік спортшылардың табандылығы, жанқиярлық еңбегі және қайсарлығының арқасында келді.
Сондай-ақ ел басшысы чемпиондар мен жүлдегерлерге, сондай-ақ бапкерлер мен мамандарға алғыс білдіріп, бұл табыс Қазақстанның ұлттық спорт түрлері бойынша әлемдік деңгейдегі беделін нығайтатынын айтты.
Қасым-Жомарт Тоқаев спортшыларға алдағы уақытта да биік белестерді бағындыруды тіледі.
