Астанада салынып жатқан Grand Monaco тұрғын үй кешенінде өрт шықты
Астанада салынып жатқан Grand Monaco тұрғын үй кешенінде өрт шықты. Оқиға орнына өрт сөндірушілер мен жедел жәрдем келді. Ғимараттың сегізінші қабатына дейін жалын жеткен.
Сурет: qaz.ulysmedia.kz
Астанада салынып жатқан элиталы тұрғын үй кешенінде өрт болды. Түсірілген кадрларда ғимараттан қою түтін мен ашық жалын көрінеді. Видеоға сүйенсек, от ғимараттың кемінде сегізінші қабатына дейін жеткен.
Бұл туралы Qazaqtoday.info сайты хабарлайды.
Ulysmedia.kz тілшісінің хабарлауынша, оқиға орнына өрт сөндірушілер мен жедел жәрдем бригадалары келген. Редакция Астана қаласы Төтенше жағдайлар департаментіне ресми сауал жолдады.
Grand Monaco тұрғын үй кешені Тәуелсіздік даңғылы мен Шәмші Қалдаяқов көшесінің қиылысында салынып жатыр. Бұл жобаны Bazis-A құрылыс компаниясы премиум санаттағы тұрғын үй кешені ретінде таныстырады. Нысан тұңғыш президент саябағы мен елорданың орталық бөлігіне жақын орналасқан.
