Талғар ауданындағы цехта өрт: зардап шеккендер жоқ
Алматы облысы Талғар ауданында пластик цехында өрт шықты. Зардап шеккендер жоқ, өрт сөндіру жұмыстары жүріп жатыр.
Сурет: istockphoto
Алматы облысының Талғар ауданында, Құлжа тасжолы бойында орналасқан пластик бұйымдар шығаратын цехта өрт шықты. Оқиға орнында жедел штаб құрылып, үш өрт сөндіру учаскесі жұмыс істеп жатыр. Сумен үздіксіз қамтамасыз ету ұйымдастырылған, алты су оқпаны жұмылдырылған.
112 нөміріне зардап шеккендер туралы ақпарат түскен жоқ. Өрттің шығу себебі мен оқиғаның мән-жайы анықталып жатыр. Қазіргі уақытта ТЖМ қызметкерлері өртті сөндіру жұмыстарын жүргізіп жатыр, оқиға орнында өрт сөндіру бөлімшелері жұмыс істеуде.
Өртті сөндіруге қажетті барлық күш пен құрал жұмылдырылған. Жағдай бақылауда.
