Непал мен Қытай құтқару жұмыстарын қайта бастады: қаза тапқандар саны 550-ден асты

Непал мен Қытай көшкіннен кейін пайда болған көлдің асып төгілу қаупіне байланысты уақытша тоқтатылған іздеу-құтқару жұмыстарын қайта бастады, деп хабарлайды Qazaqtoday.info сайты.

Соңғы мәліметтер бойынша, Непалда 547 адам қаза тапты, тағы бес адам Қытайдың Тибет аймағында қаза тапты. Мыңға жуық адам хабар-ошарсыз кеткендер тізімінде тұр.

Су деңгейінің көтерілуіне байланысты құтқару жұмыстары шамамен үш сағатқа тоқтатылған болатын. Қауіп сейілгеннен кейін операциялар қайта жандандырылды.

Үндістан, Қытай, АҚШ, Ұлыбритания, Жапония және Оңтүстік Кореяны қоса алғанда, бірнеше ел Непалға көмек ұсынды. Алайда ел билігі әзірге шетелдік іздеу-құтқару топтарын тартуды қажет етпейтінін мәлімдеді.