Челси – Милан матчы: Сатпаев құрамға ілінбеді
«Челси» мен «Милан» арасындағы жолдастық ойында Дастан Сатпаев қосалқы құрамда қалды. Матч Индонезияда өтіп, Қазақстан уақытымен 17:00-де басталады.
Сурет: tengrisport.kz
«Челси» мен «Милан» арасындағы маусымалдық жолдастық кездесуде қазақстандық Дастан Сатпаев алаңға шықпай, қосалқы құрамда қалды. Бұл туралы клубтың ресми Twitter парақшасында жарияланған старттық құрамда белгілі болды. Лондондық клубтың негізгі құрамында Санчес (қақпашы), Палестра, Ачеампонг, Фофана, Хато, Лавиа, Кайседо, Палмер, Жоао Педро, Педро Нету және Уэлбек бар. Ал Сатпаев, украиналық Михаил Мудрик сияқты, ойынды қосалқы құрамда бастайды. Бұл туралы Qazaqtoday.info сайты хабарлайды.
Еске салайық, маусымалдық кезеңдегі алғашқы ойында «Челси» австралиялық «Вестерн Сиднейді» 6:4 есебімен жеңген еді, ал Сатпаев жаңа командасындағы алғашқы голын соққан болатын. Екінші кездесуде «Тоттенхэмге» қарсы ойында қазақстандық футболшы алаңға ауысымнан шыққанымен, лондондықтар 1:2 есебімен ұтылды. «Ювентуспен» ойында да вингер екінші таймда, 65-минутта алаңға шықты, алайда «Челси» 0:1 есебімен жеңіліс тапты.
«Челси» мен «Милан» арасындағы бұл ойын Индонезияда өтеді және Қазақстан уақыты бойынша 17:00-де басталады. Барлық маусымалдық ойындарды клуб өзінің ресми сайтында ақылы түрде көрсетеді.
Айта кетейік, бұған дейін Қазақстан ұлттық құрамасының бас жаттықтырушысы Джон ван ’т Шкип Дастан Сатпаевтың ойынын жоғары бағалап, оның құрама мен «Челсидегі» өнерін жақсы білетінін мәлімдеген еді.
