Тоқаев Қазақстан Сыртқы істер министрінің жаңа орынбасарын тағайындады

Президент Қасым-Жомарт Тоқаевтың өкімімен Арман Исагалиев Қазақстан Сыртқы істер министрінің орынбасары болып тағайындалды, деп хабарлайды Qazaqtoday.info сайты.

Бұған дейін Исагалиев Қазақстанның Катардағы Төтенше және Өкілетті Елшісі қызметін атқарған. Ол бұл лауазымды 2020 жылдың қыркүйегінен бастап иеленген.

Арман Исагалиевке 53 жаста. Әр жылдары оқытушы, Шығыстану институтының ғылыми қызметкері, Қазақстанның Мысырдағы елшілігінің бірінші хатшысы, Сауд Арабиясындағы елшіліктің кеңесшісі, Президент Әкімшілігінің Сыртқы саясат орталығы секторының меңгерушісі, Дубайдағы Бас консул қызметтерін атқарған. Сондай-ақ Қазақстанның Мысырдағы, қоса атқарушы ретінде Алжир мен Тунистегі елшісі болған. 2020 жылдан 2026 жылдың шілдесіне дейін Қазақстанның Катардағы дипломатиялық миссиясын басқарған.