Қостанайда ашық люк көлікті қиратты: Әкімдік тағы да қараусыз қалдырған

Қостанайдағы Леонид Беда көшесінде, Соколовский ауданы маңында ашық жатқан кәріз люгі кезекті жол апатына себеп болды. Оқыс оқиға салдарынан сол маңнан өтпек болған жүргізушінің автокөлігі қатты зақымданып, дөңгелектері жарамсыз болып қалған, деп хабарлайды Qazaqtoday.info.

Зардап шеккен азамат жауапты қызметтердің селқостығына наразы болып, оқиға орнынан бейнежазба жариялады. Жергілікті әкімдік пен коммуналдық қызметтердің бұл немқұрайлылығы қала тұрғындарының өмірі мен мүлкіне тікелей қауіп төндіріп отыр.

Елді есеңгіреткен осындай қарапайым шаруаға бас қатырмаған өңір басшылығы мәселені тағы да жылы жауып қоя ма деген сұрақ туындайды. Қала билігінен бұл сорақылыққа қатысты нақты шара қолдануды және кінәлілерді жауапқа тартуды талап етеміз.

Фото: Depositphotos