Бензин тапшылығы: Министрлік болжамына сенуге бола ма?
Фото: видеодан скрин
Ресейдегі отын дағдарысы іргедегі Қазақстан нарығына қалай әсер етеді? Соңғы уақытта қоғам мен сарапшылар қауымын мазалаған бұл шулы тақырыпқа қатысты ведомство басшылығы ресми мәлімдеме жасады, деп хабарлайды Qazaq Today ақпарат порталы.
Алайда, министрлік өкілінің «байбаламға негіз жоқ» деген уәжі нарықтағы шынайы жағдайды білетін мамандардың сыни уәжін тоқтата алар емес.
Жуырда БАҚ беттері мен әлеуметтік желілерде «Ресей Федерациясы Қазақстаннан 50 мың тонна көлемінде гуманитарлық көмек ретінде отын сұратты» деген ақпарат желдей есті. Осыған байланысты нақтылау енгізген Энергетика вице—министрі Қайырхан Тұтқышбаев ресми Мәскеуден ешқандай өтініш түспегенін мәлімдеді.
