«Пластикалық отаға рұқсат»: Нұрлан имамның мәлімдемесі қызу талқыға түсті

Танымал имам Нұрлан Байжігітұлының пластикалық отаға қатысты айтқан пікірі әлеуметтік желі қолданушылары арасында қызу талқыға түсті, деп хабарлайды Qazaqtoday.info ақпарат порталы.

Имамның айтуынша, адамның денсаулығына немесе табиғи қалпына келтіруге бағытталған пластикалық және косметологиялық процедураларға дінде тыйым салынбайды.

«Пластикаға ешқандай мәселе жоқ. Мысалы, шашы түсіп қалған. Шаш егуге болады. Себебі, оның шашу бар еді. Косметологияға да болады. Бетті тазалау, биоревитация бұның барлығы денсаулыққа кежетті нәрсе. Қабағың салбыраса, түсіп кетсе пластикада ешқандай мәселе жоқ. Бәрі рұқсат», – деді ол.

Бұл мәлімдемеден кейін әлеуметтік желіде түрлі пікірлер айтылды. Бірқатар қолданушылар имамның сөзін қолдап, оның медициналық қажеттілікке қатысты пластикалық оталарды меңзегенін жазса, енді бірі мұндай мәселелерде шариғат талаптарын қатаң ұстану қажет екенін алға тартты.