Президент Қасым-Жомарт Тоқаев Burabay Arena спорт кешенінде болды

Қазақстан Президенті Қасым-Жомарт Тоқаев Burabay Arena спорт сарайына барып, кешеннің жұмысымен танысты, деп хабарлайды Qazaqtoday.info сайты.

Мемлекет басшысы спорт кешеніндегі үстел теннисі, бассейн және жаттығу залдарын аралап көрді. Аталған нысанда спорттың алты түрі бойынша үйірмелер жұмыс істейді.

Сонымен қатар, Президентке өңірдегі спорт және туризм салаларының даму барысы туралы баяндалды. Қасым-Жомарт Тоқаев облыстың танымал спортшыларымен кездесіп, әңгімелесті. Атлеттер отандық спортқа жан-жақты қолдау көрсеткені үшін Мемлекет басшысына алғыс айтты.