Президент Щучинск қаласындағы нысандарды аралады
Қасым-Жомарт Тоқаев Щучинск қаласындағы экосаябақты аралап, жаңғыртылған қоғамдық кеңістікпен танысты, жас домбырашылардың өнерін тамашалады.
Қазақстан Президенті Қасым-Жомарт Тоқаев Щучинск қаласындағы бірқатар нысанды аралап көрді, деп хабарлайды Qazaqtoday.info сайты.
Мемлекет басшысына қаланың экосаябағы таныстырылды. Жаңғыртылған қоғамдық кеңістікте тұрғындардың серуендеп, спортпен шұғылдануына барлық жағдай жасалған.
Сонымен қатар Президент жергілікті жас домбырашылардың өнерін тамашалады. Ұлттық домбыра күніне әзірленіп жатқан өнерпаздар бірнеше күй орындап берді.
