Қанат Айтбаев «Парасат» орденімен марапатталды, деп хабарлайды QazaqToday.info сайты.
Мәдениет және өнер қызметкерлері күні қарсаңында белгілі композитор, продюсер және «ДимашАли» шығармашылық орталығының жетекшісі Қанат Айтбаев «Парасат» орденімен марапатталды. Мемлекеттік награданы ҚР Премьер-министрінің орынбасары – Мәдениет және ақпарат министрі Аида Балаева табыс етті.
«Парасат» ордені елімізде ғылым, мәдениет, әдебиет пен өнер салаларын дамытуға сіңірген айрықша еңбегі, сондай-ақ мемлекеттің рухани және зияткерлік әлеуетін нығайтуға қосқан елеулі үлесі үшін беріледі.
Марапат Қанат Айтбаевтың отандық мәдениет пен өнерді дамытуға, сондай-ақ қазақ музыкасын халықаралық деңгейде насихаттауға қосқан үлесі үшін берілді. Ресми салтанатты рәсімге қатыса алмағандықтан, орден иесіне арнайы жұмыс кездесуі барысында табысталды.
