Сурет: zakon.kz
«Пари Сен-Жермен» футбол клубы қатарынан екінші рет Чемпиондар Лигасының жеңімпазы атанды. Финалда франциялық команда лондондық «Арсеналды» матч соңындағы пенальти сериясында жеңді деп хабарлайды Qazaqtoday.info сайты.
Кездесудің тағдырын матчтан кейінгі пенальти сериясы шешті. «Арсенал» қорғаушысы Габриэль Магальяеш соңғы соққысын қақпадан жоғары бағыттап, париждік клубқа жеңіс сыйлады.
Ойынның негізгі уақытында есепті 6-минутта «Арсенал» шабуылшысы Кай Хаверц ашқан болатын. Алайда 65-минутта Усман Дембеле пенальтиден таразы басын теңестіріп, ойынды қосымша уақытқа ұластырды. Бұл – соңғы 10 жылда финалдық матчтың овертаймға созылған алғашқы сәті.
Осылайша, франциялық гранд қазіргі заман тарихында Чемпиондар Лигасы титулын қатарынан екі рет қорғаған екінші команда болды. Бұған дейін мұндай жетістікке тек мадридтік «Реал» ғана қол жеткізген еді. Енді париждіктер 2016-2018 жылдары қатарынан үш рет чемпион атанған «Реалдың» рекордын қайталауды мақсат етіп отыр.
