Қазақстан мен Оман Сұлтандығының экономикалық ынтымақтастығы артады

Қазақстан мен Оман Сұлтандығына ортақ құқықтық база кеңейіп, екі ел резиденттерінің табыстарына бұдан былай қосарланған салық салынбайды, деп хабарлайды Qazaqtoday.info.

Тиісті келісімді бүгін сенаторлар ратификациялады. Құжат екіжақты экономикалық ынтымақтастықты нығайтып, инвестициялар үшін қолайлы жағдай жасауды көздейді. Жалпы Оман Сұлтандығы Қазақстанның белсенді сауда серіктестерінің бірі.

Кейінгі 10 жылда арадағы тауар айналымы 27 миллион долларға жеткен. Бүгінде республикамызда Оман капиталымен 7 мекеме тіркеліп, оның алтауы тұрақты жұмыс істеп жатыр.

Фото: gov.kz